31 جنوری ، 2017 
کراچی میں اب ٹارگٹڈ ڈیولپمنٹ ہونی چاہئے: وسیم اختر
31 جنوری ، 2017
مئیر کراچی وسیم اختر کا کہنا ہے کہ کراچی میں اب ٹارگٹڈ ڈیولپمنٹ ہونی چاہئے، کراچی کیلئے وزیر اعظم کو خط لکھا ہے، وزیر اعلیٰ کو بھی کراچی کی بہتری کے لیے تجاویز دی ہیں اور میں کراچی کے لیے دل وجان سے کوششیں کر رہا ہوں۔
میئر کراچی وسیم اختر نے کراچی پریس کلب کے دورے کے موقع پر صحافیوں سے گفتگو میں کہا کہ ہر دور میں اس شہر کے ساتھ سوتیلی ماں والا سلوک ہوا ہے، اگر کسی نے مرہم رکھا تو وہ مشرف کا دور تھا، اس دور میں صحیح طرح استعمال کیا گیا اور کئی پل اور انڈر پاس بنے۔
انہوں نے مزید کہا کہ کراچی کے مسائل حل کرنے پر کسی کی توجہ نہیں رہی، اس شہر کو اے ٹی ایم بنا دیا گیا ہے، کارڈ ڈالو اور پیسے نکالو۔
وسیم اختر نے مزید کہا کہ میری شکل پسند نہیں تو منصوبے بنائیں پروجیکٹ ڈائریکٹر مقرر کریں، میں استعفیٰ دے دیتا ہو ں۔
مزید خبریں :
پول: امریکا کا اگلا صدر کون ہوگا؟
04 نومبر ، 2024
ڈسکہ الیکشن: علی اسجد ملہی اور نوشین افتخار کون ہیں؟
07 اپریل ، 2021
بھینس کا قومی دن
02 مارچ ، 2021
