14 فروری ، 2017 
لاہور واقعہ قومی سلامتی پالیسی کی ناکامی ہے،چانڈیو
14 فروری ، 2017
مشیر اطلاعات سندھ مولابخش چانڈیو کہتے ہیں کہ لاہور میں پیش آنے والا کل کا واقعہ حکومت کی قومی سلامتی کی پالیسی کی ناکامی ہے،دہشت گردی کی سب سے منظم کارروائیاں پنجاب میں ہوتی ہیں۔
انہوں نے مزید کہا ہے کہ وزراءپاناما کے دفاع میں لگے ہیں، پاناما جہنم میں جائے، لوگوں کی زندگیاں خطرے میں ہیں،فرقہ ورانہ دہشت گردی کی جڑیں پنجاب میں ہیں،وزیراعظم پاناما کوضروردیکھیں مگربڑھتی ہوئی دہشت گردی کو بھی دیکھیں۔
مولا بخش چانڈیو کا کہنا تھا کہ نیب پنجاب میں سرگرم ہوئی تونوازشریف کا بیان آگیا،نیب اورایف آئی اے پنجاب میں کارروائیاں کرتی ہیں توان کو اعتراض ہوتا ہے،پنجاب میں ایف آئی اے نے کارروائی کی تو چوہدری نثارسامنے آگئے، وزیرداخلہ صاحب!جہاں بڑی کارروائیاں ہوئی ہیں وہاں آپ غیر حاضر ہیں،وہ کس بات پر بھڑکیں مار رہے ہیں۔
مزید خبریں :
