14 فروری ، 2017 
کنٹرول لائن پر شہید پاک فوج کے 3 اہلکاروں کی تدفین
14 فروری ، 2017
لائن آف کنٹرول پرگزشتہ روز بھارتی افواج کی بلا اشتعال فائرنگ سے شہید ہونے والے پاک فوج کے تینوں اہلکاروں کی تدفین ان کے آبائی علاقوں میں پورے فوجی اعزاز کے ساتھ کردی گئی۔
شہید نائیک غلام رسول کی نماز جنازہ آزاد کشمیر کے ضلع ہٹیاں کے گاؤں نڑدجیاں میں ادا کی گئی، نماز جنازہ میں اعلیٰ فوجی و سول حکام اور سیاسی و سماجی شخصیات نے شرکت کی، شہید کو مقامی قبرستان میں سپرد خاک کردیا گیا، پاک فوج کے جوانوں نے سلامی دی ۔
شہید نائیک عبدالجبارجونیجو کی نماز جنازہ لاڑکانہ میں ان کے آبائی گاوں سیہڑمیں ادا کی گئی۔
جس میں فوجی حکام کے علاوہ علاقہ مکینوں کی بڑی تعداد بھی شریک ہوئی، آرمی چیف کی جانب سے شہید کی قبرپر پھولوں کی چادر چڑھائی گئی اور سلامی دی گئی۔
لائن آف کنٹرول پر شہید ہونے والے تیسرے فوجی اہل کار نائیک عمران ظفر کی گوجر خان میں تدفین کردی گئی،تینوں اہلکاروں کو پورے فوجی اعزازکے ساتھ لحد میں اتاراگیا۔
مزید خبریں :
