محکمہ صحت پنجاب نے ایک بارپھر ڈاکٹروں کی میڈیا سے بات چیت پر پابندی عائد کردی ہے۔

محکمہ صحت پنجاب کی طرف سے جاری مراسلے کےمطابق سرکاری اسپتالوں کے ڈاکٹرز کو پابند کیا گیا ہے کہ وہ میڈیا کےساتھ براہ راست گفتگو سے اجتناب کریں، میڈیا سے گفتگو کیلئے انتظامیہ کی اجازت لینا ضروری ہوگا۔

مراسلے کے تحت ڈاکٹر کسی ٹاک شو میں نہیں بیٹھ سکتے اور نہ ہی کالم لکھ سکتے ہیں، اس حکم کی خلاف ورزی پر سول سروس ایکٹ کے تحت کارروائی کی جائے گی۔

محکمہ صحت کی جانب سے ایسی ہی پابندی چند سال پہلے بھی لگائی گئی تھی ۔