22 ستمبر ، 2017 
سابق آسٹریلین کرکٹر ٹام موڈی ’ملتان سلطانز‘ کے ہیڈ کوچ مقرر
22 ستمبر ، 2017
سابق آسٹریلین کرکٹر ٹام موڈی کو پاکستان سپر لیگ کے تیسرے ایڈیشن میں شامل ہونے والی چھٹی فرنچائز ’’ملتان سلطانز‘‘ کا ہیڈ کوچ مقرر کردیا گیا۔
’’ملتان سلطانز‘‘ کے لوگو اور شرٹس کی تقریب رونمائی کراچی میں منعقد ہوئی جس میں کرکٹ کی نامور کھلاڑیوں سمیت دیگر شعبوں سے تعلق رکھنے والی شخصیات نے شرکت کی۔
تقریب میں فرنچائز کے ڈائریکٹر و سابق کرکٹر وسیم اکرم نے ہیڈ کوچ کے لیے آسٹریلین کرکٹر ٹام موڈی کے نام کا اعلان کیا۔
اس حوالے سے ان کا کہنا تھا کہ ٹام موڈی کو کوچنگ کا بہترین تجربہ ہے اور خاص طور پر فرنچائز کرکٹ میں ان کے تجربے سے ملتان سلطانز کو فائدہ ہوگا۔
سابق کرکٹر ٹام موڈی 8 ٹیسٹ اور 76 ایک روزہ میچوں میں آسٹریلیا کی نمائندگی کرچکے ہیں جب کہ 2005 سے 2007 تک سری لنکا کی ٹیم کے کوچ رہے ہیں۔
ٹام موڈی انڈین پریمیئر لیگ میں سن رائز حیدر آباد اور بنگلہ دیشی لیگ میں رنگ پور رائیڈر کے کوچ ہیں۔
’’ملتان سلطانز‘‘ کے ہیڈ کوچ نے خصوصی وڈیو پیغام میں فرنچائز کا حصہ بننے پر خوشی کا اظہار کیا جب کہ تقریب میں فرنچا ئز کی جانب سے ملتان کے مرحوم کرکٹر عامر بشیر کے اہل خانہ کیلئے پانچ لاکھ روپے عطیہ کا بھی اعلان کیا گیا۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
