06 اکتوبر ، 2017 
سری لنکا کیخلاف ون ڈے سیریز کیلئے 15 رکنی قومی ٹیم کا اعلان
06 اکتوبر ، 2017
قومی کرکٹ ٹیم کی سلیکشن کمیٹی نے سری لنکا کے خلاف ون ڈے سیریز کے لئے 15 رکنی اسکواڈ کا اعلان کردیا۔
قومی سلیکشن کمیٹی کے چیف سلیکٹر انضمام الحق نے ہیڈکوچ مکی آرتھر اور کپتان سرفراز احمد سے مشاورت کے بعد سری لنکا کے خلاف ون ڈے سیریز کے لئے 15 کھلاڑیوں کے ناموں کا اعلان کردیا۔
سری لنکا کے خلاف 15 رکنی اسکواڈ میں کپتان سرفراز احمد، احمد شہزاد، فخر زمان، محمد حفیظ، بابراعظم، شعیب ملک، عماد وسیم، فہیم اشرف، حسن علی، محمد عامر، رومان رئیس، جنید خان، حارث سہیل اور امام الحق شامل ہیں۔
چیمپئنز ٹرافی کی فاتح ٹیم کا حصہ رہنے والے اظہر علی کو فٹنس مسائل کی وجہ سے آرام دیتے ہوئے ٹیم میں امام الحق کو شامل کیا گیا ہے جو چیف سلیکٹر انضمام الحق کے بھتیجے ہیں۔
نوجوان کرکٹر امام الحق کو ڈومیسٹک کرکٹ میں بہترین کارکردگی پیش کرنے پر اسکواڈ کا حصہ بنایا گیا ہے۔
خیال رہے کہ پاکستان اور سری لنکا کے درمیان 5 میچز پر مشتمل سیریز کا پہلا میچ 13 اکتوبر کو دبئی انٹرنیشنل اسٹیڈیم میں کھیلا جائے گا اور پاکستانی وقت کے مطابق ڈے نائٹ میچ شام 4 بجے شروع ہوگا۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
