14 اکتوبر ، 2017 
قومی ریسلر عنایت اللہ نے ورلڈ بیچ ریسلنگ چیمپئین شپ میں گولڈ میڈل جیت لیا
14 اکتوبر ، 2017
پاکستان ریسلنگ کی تاریخ میں پہلی بار قومی ریسلر عنایت اللہ نے ورلڈ بیچ ریسلنگ چیمپئین شپ میں گولڈ میڈل جیت کر نئی تاریخ رقم کر دی۔
عنایت اللہ نے ڈیلان میں ہونے والی ورلڈ بیچ چیمپئین شپ کے فائنل میں ایرانی پہلوان کو شکست دیکر گولڈ میڈل پاکستان کے نام کیا۔
اس سے قبل عنایت اللہ نے سیمی فائنل میں ترکی کے پہلوان کو شکست دی تھی۔ عنایت پہلوان نے رواں سال ایشین میٹ ریسلنگ چیمپئین شپ میں سلور میڈل بھی جیتا تھا۔
پاکستان اولمپک ایسوسی ایشن کے صدر لیفٹیننٹ جنرل ریٹائرڈ عارف حسن نے قومی پہلوان کی شاندار کامیابی پر مبارکباد دی۔
ان کا کہنا تھا کہ عنایت پہلوان نے ورلڈ بیچ ریسلنگ چیمپئین شپ میں گولڈ میڈل جیت کر پوری قوم کا سر فخر سے بلند کر دیا ہے، پاکستان ریسلنگ فیڈریشن بھی اس کامیابی پر مبارکباد کی مستحق ہے جب کہ حکومت کو چاہیے کہ وہ ایسے نوجوان کھلاڑیوں کی حوصلہ افزائی کرے۔
پاکستان ریسلنگ فیڈریشن کے سیکریٹری ارشد ستار نے اپنے پیغام میں کہا کہ عنایت اللہ نے گولڈ میڈل جیت کر فیڈریشن کا سر فخر سے بلند کر دیا ہے۔
انہوں نے وطن واپسی پر نوجوان کھلاڑی کے اعزاز میں تقریب کا بھی اعلان کیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
