جب موٹر بائیک پر 5 ہزار شہد کی مکھیوں نے ڈیرہ جما لیا

 شہد کی مکھیوں کے چھتے کو دیکھ کر سب ہی لوگ خوفزدہ ہوجاتے ہیں اور اُس جگہ سے دور بھاگتے ہیں۔

عموماً شہد کی مکھیاں درختوں پر چھتے بناتی ہیں، تاہم آسٹریلیا کے شہر سڈنی میں اُس وقت کچھ منفرد مناظر دیکھنے کو ملے جب ایک موٹر بائیک پر ہزاروں شہد کی مکھوں نے ڈیرہ جمالیا۔

موٹر سائیکل پر پانچ ہزار سے زائد شہد کی مکھیوں کے جھنڈ کو دیکھ کر راہ گیر خوف میں مبتلا ہوگئے تاہم کچھ دیر بعد ریسکیو اہلکار اور شہد کی مکھیاں پکڑنے والی ایک خاتون آئیں اور بائیک کو شہد کی مکھیوں کے 'قبضے' سے آزادکرالیا گیا۔

ریسکیو ٹیم کی جانب سے وہاں موجود لوگوں کو ہدایت دی گئی کہ شہد کی مکھی کے چتھے کو بائیک سے نکالتے وقت دور ہو جائیں۔

اس موقع پر کچھ لوگوں نے ان مناظر کو ہمیشہ کے لیے کیمرے کی آنکھ میں قید کرلیا۔