18 دسمبر ، 2017 
قومی ہاکی ٹیم کے کوچ فرحت خان نے استعفیٰ دیدیا
18 دسمبر ، 2017
لاہور: قومی ہاکی ٹیم کے کوچ فرحت خان نے عہدے سے استعفیٰ دے دیا۔
ایشیا کپ میں قومی ہاکی ٹیم کی مایوس کن کارکردگی رہی اور ٹیم آسٹریلیا میں بھی تمام میچ ہار گئی جس کے بعد قومی ٹیم کی مینجمنٹ کو تبدیل کرنے کےلیے سخت دباؤ تھا۔
جیونیوز کے مطابق قومی ہاکی ٹیم کے کوچ فرحت خان نے خود ہی اپنے عہدے سے استعفیٰ دے دیا ہے جس کی وجوہات ذاتی مصروفیات بتائی گئی ہیں۔
فرحت خان کا کہنا ہےکہ ذاتی مصروفیات کی بنا پر ہاکی ٹیم کی مزید کوچنگ نہیں کرسکتا، اپنے استعفے سے فیڈریشن کے صدر کو آگاہ کردیا ہے۔
دوسری جانب پی ایچ ایف ذرائع کا کہنا ہے کہ قومی ٹیم کے نئے کوچ کے لیے غیر ملکی کوچ کا انتخاب زیر غور ہے اور اس کے لیے ایک جرمن کوچ سے رابطہ کیا گیا ہے، جلد ہی ان سے معاہدہ بھی کرلیا جائے گا اور ممکن ہے کہ وہ آئندہ سال میں اپنی ذمہ داریاں سنبھال لیں۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
میسی کا 14 سال بعد بھارت میں فٹبال میچ کھیلنے کا امکان
20 نومبر ، 2024
