30 دسمبر ، 2017 
کراچی: سپر ہائی وے پر پولیس مقابلہ، داعش کے 5 مبینہ دہشتگرد ہلاک
30 دسمبر ، 2017
کراچی میں سپر ہائی وے پر ایوب گوٹھ میں ہونے والے پولیس مقابلے میں 5 دہشت گرد ہلاک ہو گئے۔
ایس ایس پی ملیر راؤ انوار کے مطابق پولیس نے ایوب گوٹھ میں دہشت گردوں کی موجودگی کی اطلاع پر کارروائی کی تو ایک مکان میں چھپے دہشت گردوں نے پولیس اہلکاروں پر فائرنگ کردی۔
راؤ انوار کے مطابق پولیس نفری نے علاقے کا محاصرہ کر کے جوابی کارروائی کا آغاز کیا تو دونوں جانب سے فائرنگ کا تبادلہ ہوا جس کے دوران 5 دہشتگرد ہلاک ہوئے۔
ایس ایس پی راؤ انوار کے مطابق پولیس مقابلے میں ہلاک ہونے والے دہشت گردوں کا تعلق پہلے القاعدہ برصغیر سے تھا جنہوں نے بعد میں شدت پسند تنظیم داعش میں شمولیت اختیار کرلی تھی۔
پولیس کے مطابق دہشت گردوں کے مزید ساتھیوں کی تلاش کے لیے علاقے میں سرچ آپریشن جاری ہے۔
