16 جنوری ، 2018 
صدف حسین ایک بار پھر بہترین بولر بن گئے
16 جنوری ، 2018
پاکستان کے ڈومیسٹک ڈپارٹمنٹل ون ڈے کرکٹ ٹورنامنٹ یوبی ایل نے واپڈا کو فائنل میں شکست دے کر اپنے نام کیا لیکن ٹورنامنٹ کے بہترین بولر کا اعزاز خان ریسرچ لیبارٹریز (کے آر ایل) کی نمائندگی کرنے والے فاسٹ بولر صدف حسین نے حاصل کی۔
ٹورنامنٹ میں بائیں ہاتھ کے فاسٹ بولر صدف حسین کے آر ایل کے لیے کھیل رہے تھے،وہ 20.11 کی اوسط سے 7 میچز میں 18 وکٹیں حاصل کرکے ٹورنامنٹ کے بہترین بولر قرار پائے۔
یاد رہے کہ گذشتہ سال قائد اعظم ٹرافی میں بھی صدف حسین نے 9میچوں میں 15.02کی اوسط سے 47 وکٹیں حاصل کی تھیں۔
2009ء میں راولپنڈی کی طرف سے پشاور کے خلاف فرسٹ کلاس ڈیبیو کرنے والے بائیں ہاتھ کے تیز بولر کو ڈومیسٹک سطح پر مسلسل عمدہ کارکردگی کے باوجود نظر انداز کیا جا رہا ہے۔
اپنے گھر کے واحد کفیل صدف حسین کو نہیں معلوم کہ انہیں کس جرم کی پاداش میں قومی ٹیم کے کیمپ تک میں بلانے کی زحمت گوارا نہیں کی جاتی۔
ستم ظریفی کا عالم یہ ہے کہ ڈومیسٹک سطح پر عمدہ کارکردگی کے حامل فاسٹ بولر کو ڈومیسٹک ٹی 20میں بھی شامل نہیں کیا جاتا۔
ایسی صورت میں صدف کا پاکستان سپر لیگ کی کسی فرنچائز میں منتخب ہونا انہونی ہی کے مترادف ہے،فاسٹ بولر کا کہنا ہے کہ اللہ کے گھر دیر ہے اندھیر نہیں ،انھیں یقین ہے،انھیں محنت کا صلہ ایک روز ضرور ملے گا۔
مزید خبریں :
پرتھ ٹیسٹ میں بھارت نے آسٹریلیا کو 295 رنز سے شکست دیدی
11 گھنٹے پہلے
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
