سر ویوین رچرڈ پی ایس ایل کے تمام میچز پاکستان میں دیکھنے کے خواہاں

پاکستان سپر لیگ کی فرنچائز کوئٹہ گلیڈی ایٹرز کے مینٹور سر ویوین رچرڈ نے پی ایس ایل کے تمام میچز پاکستان میں دیکھنے کی خواہش کا اظہار کردیا۔

پی ایس ایل کے تیسرے ایڈیشن میں کوئٹہ گلیڈی ایٹرز اب تک دو میچ کھیل چکی ہے جس میں سے اسے ایک میں کامیابی جبکہ ایک میں شکست کا سامنا کرنا پڑا۔

گزشتہ سال لیگ کے دوسرے ایڈیشن میں کوئٹہ کی ٹیم فائنل تک پہنچی تھی۔

پی ایس ایل تھری: اگلے 7 میچز شارجہ میں ہوں گے

ایونٹ کا 9 واں میچ 28 فروری کو اسلام آباد یونائیٹڈ اور کوئٹہ گلیڈی ایٹرز کے درمیان کھیلا جائے گا جو پاکستانی وقت کے مطابق رات 9 بجے شروع ہوگا

کوئٹہ گلیڈی ایٹرز کے مینٹور سر ویوین رچرڈ ہیں جو پی ایس ایل کے تمام میچز پاکستان میں دیکھنے کے خواہشمند ہیں۔

نمائندہ جیو نیوز سے بات چیت میں سر ویوین رچرڈ کا کہنا تھا کہ جب ٹیم مینجمنٹ اچھی ہو اور تمام چیزیں آپ کی مرضی کے مطابق ہورہی ہوں تو پھر کام کرنے میں مزہ آتا ہے جب کہ میں ایسا ہی محسوس کررہا ہوں جیسے گھر میں ہوں اور ہم سب ایک فیملی کی طرح ہیں۔

انہوں نے کہا کہ پی ایس ایل پاکستان میں نہ ہونے سے مداح مایوس ہیں لیکن اگر ہم کچھ اور میچز پاکستان میں کھیلیں تو اچھا ہوگا۔

رومان رئیس نے پی ایس ایل کو اپنے کیرئیر کا ٹرننگ پوائنٹ قرار دیدیا

پی ایس ایل ایسا پلیٹ فارم ہے جہاں کھلاڑیوں کو ڈریسنگ روم اور گراؤنڈ میں انٹرنیشنل سطح کا ماحول میسر آتا ہے، آل راؤنڈر اسلام آباد یونائیٹڈ

ان کا کہنا تھا کہ گزشتہ پی ایس ایل میں بھی فائنل لاہور میں کھیلا گیا تھا اور پاکستان میں کرکٹ مداح بھی پاکستان میں پی ایس ایل دیکھنا چاہتے ہیں لہٰذا امید ہے کہ پی ایس ایل پاکستان میں ہوگی۔

سر ویوین رچرڈ نے ٹیم کے کپتان کے حوالے سے کہا کہ سرفراز احمد اچھے انسان ہیں جو ہمیشہ ہی اچھا کرنے چاہتا ہے اور وہ سچے گلیڈی ایٹر ہیں۔