خوش قسمت ہوں کہ وسیم اکرم ہمارے ساتھ ہیں، سہیل تنویر

شارجہ: کوئٹہ گلیڈی ایٹرز کے خلاف میچ میں مین آف دی میچ رہنے والے ملتان سلطانز کے فاسٹ بولر سہیل تنویر نے کہا ہے کہ وہ خوش قسمت ہیں کہ وسیم اکرم ان کی فرنچائز کا حصہ ہیں۔

میچ کے بعد جیو نیوز سے گفتگو کرتے ہوئے انہوں نے کہا کہ میچ سے پہلے ان کی وسیم اکرم سے بات ہوئی تھی۔

انہوں نے کہا کہ وہ شارجہ میں کافی کرکٹ کھیلے ہیں تاہم کبھی کبھار کارکردگی بہتر بنانے کے لیے سینئرز کی رہنمائی کی ضرورت ہوتی ہے۔

عمران طاہر کی ہیٹ ٹرک، ملتان سلطانز نے کوئٹہ گلیڈی ایٹرز کو باآسانی ہرادیا

کوئٹہ گلیڈی ایٹرز کے کیون پیٹرسن کو ان فٹ ہونے کی وجہ سے آرام کرایا گیا ہے

سہیل تنویر کا کہنا تھا کہ ملتان سلطانز میں تین بائیں ہاتھ کے فاسٹ بولرز موجود ہیں اور ہم سب خوش قسمت ہیں کہ وسیم اکرم ہمارے ساتھ ہیں، وہ ہمیشہ ہماری مدد کرتے رہتے ہیں۔

فاسٹ بولر کا مزید کہنا تھا کہ وسیم اکرم کی حوصلہ افزائی سے انہیں میچ میں بہت فائدہ ہوا۔

سہیل تنویر نے تک ٹورنامنٹ میں صرف ایک وکٹ لے رکھی تھی تاہم آج کے میچ میں انہوں نے تین وکٹیں لیں اور میچ کے بہترین کھلاڑی قرار پائے۔

ترجمہ اور ایڈیٹنگ: زین العابدین صدیقی