فٹبال ورلڈ کپ میں انگلینڈ کو شکست، بیلجیئم نے تیسری پوزیشن حاصل کر لی

سینٹ پیٹرز برگ: فٹبال ورلڈ کپ میں بیلجیئم نے انگلینڈ کو شکست دیکر تیسری پوزیشن حاصل کرلی۔

روس میں جاری ورلڈ کپ میں تیسری پوزیشن کے مقابلے میں بیلجیئم نے انگلینڈ کو یکطرفہ مقابلے کے بعد دو صفر سے شکست دی۔

بیلجیئم کی جانب سے پہلا گول چوتھے منٹ میں میونائر نے کیا جب کہ دوسرا گول کپتان ہیزارڈ نے اسکور کیا۔

یہ بیلجیئم کی جانب سے فٹبال کے عالمی مقابلے میں بہترین کارکردگی ہے۔

فٹ بال ورلڈ کپ کا فائنل کل فرانس اور کروشیا کی ٹیموں کے درمیان کھیلا جائے گا۔