فلم ’طیفا ان ٹربل‘ کا جادو چل گیا

فلم نے 3 روز میں کمائی کے تمام ریکارڈ توڑ ڈالے ہیں اور سب سے زیادہ کمائی والی فلم بن گئی ہے — فوٹو: فائل 

کراچی: پاکستان کی سب سے بڑی فلم ’طیفا اِن ٹربل‘ نے اوپننگ ویک اینڈ پر 7 کروڑ 20 لاکھ روپے سے زائد کا بزنس کرکے ریکارڈ بنالیا۔

’طیفا اِن ٹربل‘ عید کی چھٹیوں کی مدد کے بغیر ملک بھر میں ابتدائی 3 دنوں میں سب سے زیادہ بزنس کرنے والی فلم ہے۔ 

علی ظفر اور مایا علی کی فلم نے ریلیز والے روز 2 کروڑ 31 لاکھ، دوسرے روز 2 کروڑ 50  اور تیسرے روز 2 کروڑ سے زائد کا بزنس کرکے مجموعی طور پر 7 کروڑ 20 لاکھ سے زائد کی کمائی کرلی ہے۔

فلم ’طیفا ان ٹربل‘ نے پہلے ویک اینڈ میں ریکارڈ بزنس کے بعد سب سے زیادہ کمائی کرنے والی پاکستانی فلم بن گئی ہے۔

فلم میں علی ظفر، مایا علی، جاوید شیخ، فیصل قریشی، محمود اسلم اور نیئر اعجاز نے اہم کردار کیا ہے جب کہ فلم کو احسن رحیم نے ڈائریکٹ کیا ہے۔

فلم لائٹ اینگل پروڈکشن، جیو فلمز، مانڈوی والا انٹر ٹینمنٹ اور ٹیڈ پول فلمز کی پیشکش ہے۔

مزید خبریں :