23 ستمبر ، 2018 
موجودہ پاک بھارت صورت حال سے کرکٹ پر کوئی اثر نہیں پڑے گا، چیئرمین پی سی بی
23 ستمبر ، 2018
دبئی: پاکستان کرکٹ بورڈ (پی سی بی) کے چیئرمین احسان مانی نے کہا ہے کہ پاکستان اور بھارت کی موجودہ صورت حال کا کرکٹ پر کوئی اثر نہیں پڑے گا۔
دبئی میں پریس کانفرنس کے دوران ان کا کہنا تھا کہ پی سی بی بھارتی بورڈ سے رابطے میں ہے۔
احسان مانی نے کہا کہ وہ کبھی بھارتی بورڈ کے خلاف نہیں رہے اور نا ہی اس کی حمایت کی، بھارتی بورڈ کیلئے دروازے کھلے ہیں۔
انہوں نے کہا کہ وہ ٹی ٹین لیگ سے پریشان ہیں، انتظامیہ کا علم نہیں نا پیسے کا معلوم ہے کہ کہاں سے آرہا ہے۔
ان کا کہنا تھا کہ ٹی ٹین لیگ کی تمام صورتحال سے وہ آگاہ کریں گے، فکسنگ کی وجہ سے ایسی لیگ سے پہلے کھلاڑیوں کو کور کرنا ہے۔
احسان مانی نے کہا کہ پاکستان میں اب سیکورٹی کی صورتحال بہت بہتر ہے، آئی سی سی میٹنگ میں دیگر تمام ممالک سے مل کر پاکستان آنےکی بات کروں گا۔
انہوں نے کہا کہ ابھی تمام معاملات خود دیکھ رہا ہوں، جہاں تبدیلی ضروری ہوگی کریں گے۔
احسان مانی نے کہا کہ پی سی بی کی کوشش ہے کہ پاکستان کسی بھی ملک سےتین ٹیسٹ سے کم نہ کھیلے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
