14 نومبر ، 2018 
پاکستان
نیب نے کیس کے اہم گواہ کو خط لکھ کر طلب کیا تھا: فائل فوٹو
نیب نے پیراگون ہاؤسنگ سوسائٹی میں اہم گواہ کا بیان ریکارڈ کرلیا
14 نومبر ، 2018
لاہور: نیب نے پیراگون ہاؤسنگ سوسائٹی میں اہم گواہ کا بیان ریکارڈ کرلیا۔
جیونیوز کے مطابق قومی احتساب بیورو (نیب) نے پیراگون ہاؤسنگ سوسائٹی کیس کے ایک اہم گواہ سلمان شاہ کو خط لکھ کر طلب کیا تھا۔
ذرائع کا کہناہےکہ کیس کے اہم گواہ نے نیب کے ڈائریکٹر لیول کے افسر کو تمام شواہد کے ساتھ بیان ریکارڈ کرایا ہے۔
ذرائع کے مطابق اس گواہ کا تعلق لاہور کے علاقے گلبرگ سے ہے اور یہ بیرون ملک بھی مقیم رہا۔
واضح رہےکہ پیراگون ہاؤسنگ سوسائٹی سے متعلق کیس میں مسلم لیگ (ن) کے رہنما خواجہ سعد رفیق اور ان کے بھائی سلمان رفیق کے خلاف بھی تحقیقات چل رہی ہیں جب کہ دونوں نے گرفتاری سے بچنے کے لیے حفاظتی ضمانتیں حاصل کررکھی ہیں۔
