04 اگست ، 2012 
المپکس ٹینس: ویمنز سنگلز میں سرینا ولیمز نے گولڈ میڈل جیت لیا
04 اگست ، 2012
لندن … لندن اولمپکس کے ویمنز سنگلز ایونٹ میں امریکا کی سرینا ولیمز نے گولڈ میڈل حاصل کرلیا، فائنل میں روس کی ماریا شرا پووا کو اسٹریٹ سیٹس میں شکست کا سامنا کرنا پڑا۔ سرینا ولیمز اور ماریا شراپووا وہی حریف ہیں جو 2004ء کے ومبلڈن میں آمنے سامنے تھیں اور مقام بھی وہی تھا، آل انگلینڈکلب ، مگر وہ سنسنی نہیں تھی جو ومبلڈن فائنل میں تھی۔ امریکا کی سرینا ولیمز نے رشین اسٹارکو مکمل آوٴٹ کلاس کردیا، پہلے سیٹ میں شراپووا ایک بھی گیم نہیں جیت سکیں جبکہ دوسرے سیٹ میں بھی صورتحال زیادہ مختلف نہیں تھی اور سرینا نے صرف ایک گیم گنواتے ہوئے میدان مار لیا۔ سرینا کی جیت کا اسکور 6-0 اور 6-1 رہا، جیت کے بعد سرینا کے رقص نے ماحول کواور بھی رنگین بنادیا۔ یہ سرینا ولیمز کا سنگلز ایونٹ میں پہلا اولمپک گولڈ میڈل ہے۔ شراپووا کو سلور اور وکٹوریہ آزارینکا کو برونز میڈل ملا۔
مزید خبریں :
قومی کرکٹر بابراعظم کا سڈنی سکسرز سے معاہدہ
13 جون ، 2025
سابق کپتان ثنا میر نے ایک اور اعزاز حاصل کرلیا
13 جون ، 2025
پاکستان کے لیگ اسپنر اسامہ میر بگ بیش کے ڈرافٹ میں شامل
12 جون ، 2025
2025 کے سب سے زیادہ آمدن والے گالفرز کی فہرست جاری
12 جون ، 2025
