05 اگست ، 2012 
آسٹریلیا کیخلاف سیریز:پی سی بی سلیکشن کمیٹی کا اجلاس آج ہوگا
05 اگست ، 2012
لاہور…پاکستان کرکٹ بورڈکی قومی کرکٹ سلیکشن کمیٹی کا اجلاس کل لاہور میں ہو گا۔ آسٹریلیا کے خلاف تین ایک روزہ میچوں کی سیریز کے لیئے قومی ٹیم کے ناموں کو حتمی شکل دی جا ئے گی۔ قومی کرکٹ سلیکشن کمیٹی نے اتوار کو ٹیم کے انتخاب کے لیئے ابتدائی مشاورت کی۔ اس دوران چیف سلیکٹر اقبال قاسم نے کپتان مصباح الحق سے بھی بات چیت کی۔ذرائع کے مطابق سلیکشن کمیٹی کا باقاعدہ اجلاس پیر کو ہو گا جس میں متحدہ عرب امارات میں آسٹریلیا کے خلاف ہونے والی سیریز کے لیے ناموں کا حتمی شکل دی جا ئے گی۔چیئرمین ذکاء اشرف جو ان دنوں ملک سے باہر ہیں اگر ان سے ٹیلی فونک رابطہ ہو گیا تو ان کی منظوری کے بعد ٹیم کا اعلان بھی کیا جا سکتاہے۔ذرائع کا کہنا ہے کہ قومی سلیکشن کمیٹی فاسٹ بالر عمر گل ، سابق کپتان یونس خان کو سیریز کے لیے آرام دینے پر غور کر رہی ہے۔ شعیب ملک ، ناصر جمشید اور جنید خان کو ٹیم میں شامل کیا جا سکتا ہے۔
مزید خبریں :
2025 کے سب سے زیادہ آمدن والے گالفرز کی فہرست جاری
2 گھنٹے پہلے
پی سی بی کا قومی سلیکشن کمیٹی برقرار رکھنےکا اعلان
11 جون ، 2025
