09 اگست ، 2012 
ملک ریاض کے خلاف توہین عدالت کیس کی سماعت
09 اگست ، 2012
اسلام آباد… ملک ریاض کے خلاف توہین عدالت کیس کی سماعت جاری ہے اور جسٹس اعجاز افضل اور جسٹس عظمت سعید پر مشتمل بنچ سماعت کر رہا ہے۔ سماعت کی ابتداء میں ملک ریاض کے وکیل ڈاکٹرباسط نے موٴقف اختیار کیا کہ اس کیس میں انٹراکورٹ اپیل دائر کی گئی تھی اور اس وقت توہین عدالت ایکٹ 2012 نافذ تھا، اس کے تحت اپیل آتے ہی شوکاز نوٹس اور توہین عدالت کی کاروائی معطل ہوگئی تھی،اس پر جسٹس عظمت سعید نے ریمارکس دیئے کہ اس قانون کو کالعدم قرار دیتے ہوئے عدالت نے قرار دیاتھا کہ یہ تصور کیا جائے جیسے یہ قانون کبھی تھا ہی نہیں۔ڈاکٹر باسط کا کہنا تھا کہ تقاضا انصاف کے پیش نظر اپیل کی سماعت تک اس کیس پر کارروائی روکی جائے، اپیل کا حق تو توہین عدالت آرڈیننس 2003 میں بھی ہے، آج فرد جرم عائد کی گئی تو میرا حق متاثر ہوگا لہذا انٹراکورٹ اپیل پر فیصلے تک یہ عدالت انتظار کرے، جسٹس اعجاز افضل نے ریمارکس دیئے کہ ملک ریاض پر آج ہی فرد جرم عائد کی جائیگی۔
مزید خبریں :
پشاور میں مسجدکے باہر دھماکا، مفتی منیر شاکر جاں بحق
6 گھنٹے پہلے
سرمدعلی آل پاکستان نیوز پیپرز سوسائٹی کے صدر منتخب
6 گھنٹے پہلے
