سرفراز الیون کی وطن واپسی کا پلان تیار

لندن: پاکستان کرکٹ ٹیم نے کل لارڈز کرکٹ گراؤنڈ میں اپنا آخری میچ بنگلا دیش کے خلاف کھیلنا ہے، گرین شرٹس کی سیمی فائنل تک رسائی ممکن دکھائی نہیں دے رہی اس لیے سرفراز الیون کی وطن واپسی کا پلان تیار کیا جا رہا ہے۔

قومی ٹیم کے کھلاڑی اور انتظامیہ کے لوگ ہفتے کی صبح اپنے سفر کا آغاز کریں گے، کپتان سرفراز احمد اور محمد حسنین کراچی پہنچیں گے جب کہ امام الحق، بابر اعظم اور آصف علی منیجمنٹ کے اراکین کے ہمراہ لاہور پہنچیں گے۔

انگلینڈ کی فتح کے بعد پاکستان کرکٹ ٹیم کے کیمپ میں مایوسی چھا گئی

کھلاڑی مایوس اور پریشان ہیں، ٹیم منیجمنٹ کھلاڑیوں کو متحرک رکھنے کیلئے کوشاں ہے تاکہ آخری میچ پر فوکس قائم رکھا جائے

شاداب خان، عماد وسیم، فخر زمان اور شاہین شاہ آفریدی اسلام اباد پہنچیں گے جب کہ حارث سہیل سیالکوٹ جائیں گے۔

 قومی ٹیم کے منیجر طلعت علی اور بولنگ کوچ اظہر محمود انگلینڈ میں ہی مقیم ہیں اس لیے وہ پاکستان نہیں جائیں گے جب کہ ہیڈ کوچ مکی آرتھر کا اپنے آبائی ملک جنوبی افریقا جانے کا ارادہ ہے۔

فاسٹ بولر وہاب ریاض، محمد حفیظ، شعیب ملک اور محمد عامر ٹیم کے ہمراہ وطن واپس نہیں جائیں گے۔