19 ستمبر ، 2019 
کھیل
’پرامید ہوں آسٹریلوی ٹیم 2022 میں پاکستان کا دورہ کریگی‘
19 ستمبر ، 2019
کرکٹ آسٹریلیا کے چیف ایگزیکٹو کیون رابرٹس نے اس امید کا اظہار کیا ہے کہ ان کی ٹیم 2022 میں پاکستان کا دورہ کرے گی۔
دورہ پاکستان کے بعد اپنے بیان میں کرکٹ آسٹریلیا کے چیف ایگزیکٹو کیون رابرٹس نے کہا کہ دورے کا مقصد پاکستان کرکٹ بورڈ کے ساتھ تعلقات کو مضبوط کرنا تھا، پاکستان میں سیکیورٹی اہلکاروں کے ہمراہ ہم نے خود کو محفوظ تصور کیا۔
کیون رابرٹس کا کہنا تھا کہ اس وقت سب درست سمت میں چل رہا ہے لیکن فیصلے میں جلد بازی نہیں کریں۔
انہوں نے مزید کہا کہ پُر امید ہوں کہ 2022 میں آسٹریلوی ٹیم پاکستان کا دورہ کرے گی۔
