04 اکتوبر ، 2019 
پاکستان
واشنگ مشین میں دم توڑنے والی 6 سالہ دعا—جیو نیوز اسکرین گریب
پشاور: ماں نے واشنگ مشین میں بند کردیا، بیٹی دم گھٹنے سے جاں بحق
04 اکتوبر ، 2019
پشاور: نواحی علاقے داؤد زئی میں ماں نے مبینہ طور پر اپنی 6 سالہ بچی کو واشنگ مشین میں بند کر دیا جس کے نتیجے میں بچی دم گھٹ کر جاں بحق ہوگئی۔
جیو نیوز کے مطابق پشاور کی رہائشی 5 بچوں کی ماں بشریٰ مبینہ طور پر اپنی 6 سالہ بچی دُعا کو واشنگ مشین میں بند کرکے 6 کلو میٹر دور شاہ عالم پل اپنی خالہ کے گھر چلی گئی تھی۔
رپورٹ کے مطابق چند گھنٹوں بعد ماں کو بیٹی کی یاد آئی اور سوتیلے بیٹے کو فون پر بچی کے بارے میں آگاہ کیا لیکن دیر ہونے کے باعث بچی نے واشنگ مشین میں ہی دم توڑ دیا۔
واقعے کی اطلاع ملنے پر علاقہ پولیس نے بچی کی والدہ کو گرفتار کرلیا۔
