عمران خان کے استعفے یا نئے انتخابات پر ہی مذاکرات ہو سکتے ہیں: احسن اقبال

مسلم لیگ ن کے سیکریٹری جنرل احسن اقبال کا کہنا ہے عمران خان مذاکرات کی بات کرتے ہیں، مذاکرات صرف عمران خان کے استعفے یا نئے انتخابات پر ہو سکتے ہیں۔

نارووال میں میڈیا سے گفتگو کرتے ہوئے احسن اقبال کا کہنا تھا حکومت چند غلط معلومات کے ذریعے یہ تاثر دے رہی ہے کہ ن لیگ تقسیم ہو گئی ہے۔

احسن اقبال نے کہا کہ گلگت سے گودار اور نارووال سے کراچی تک ن لیگ نواز شریف کی قیادت میں متحد ہے۔

جے یو آئی (ف) سے مذاکرات کا آپشن کھلا ہے: وزیراعظم عمران خان

مذاکرات کیلئے کمیٹی کے قیام کی فی الحال ضرورت نہیں، اگر کوئی خود بات کرنا چاہے تو دروازے بند نہیں ہیں: وزیراعظم کا حکومتی ترجمانوں کے اجلاس سے خطاب

وزیراعظم کی جانب سے اپوزیشن سے مذاکرات کی بات پر احسن اقبال نے کہا کہ عمران مذاکرات کی بات کرتے ہیں، مذاکرات صرف عمران خان کا استعفیٰ یا نئے انتخابات ہیں۔

انہوں نے کہا کہ مولانا فضل الرحمان کے آزادی مارچ کی حمایت پوری اپوزیشن کر چکی ہے، تمام جماعتیں حکومت کو رخصت کرنے پر متفق ہیں۔

رہنما ن لیگ نے حکومت کو مشورہ دیا کہ بہتر ہے حکومت خود اگلے سال عام انتخابات کا اعلان کر دے۔

پُرکشش سیاسی پیکیج کی پیشکش اور مولانا کی ناں

ایسا نہیں کہ مولانا کو منانے کی کوششیں نہیں ہوئیں، کوششیں ہوئیں اور بھرپور ہوئیں۔

مولانا فضل الرحمٰن کے ساتھ کون؟

مولانا فضل الرحمٰن کے احتجاج نے حکومت سے لے کر اپوزیشن تک سب کو تقسیم کر دیا ہے۔