Can't connect right now! retry

کھیل
08 نومبر ، 2019

پاکستان انٹرنیشنل سیریز بیڈمنٹن: اویس زاہد سیمی فائنل میں پہنچ گئے

فوٹو: جیو نیوز

اسلام آباد میں جاری پاکستان انٹرنیشنل سیریز بیڈمنٹن ٹورنامنٹ میں پاکستان کے مراد علی نے پری کوارٹر فائنل میں ٹاپ سیڈ کینیڈا کے کھلاڑی کو ہراکر اپ سیٹ کردیا تاہم کوارٹر فائنل میں پاکستانی کھلاڑی کو شکست کا سامنا کرنا پڑا، خواتین ایونٹ میں ماحور اور پلوشہ بشیر نے سیمی فائنل میں جگہ بنالی۔

ایونٹ کے پری کوارٹر فائنل میں پاکستان کے مراد علی نے کینیڈا کے بی آر سنکیتھ کو 16-21 اور 21-23 کے اسکور سے ہراکر اپ سیٹ کردیا لیکن کوارٹر فائنل میں وہ اپنی کارکردگی کا سلسلہ جاری نہ رکھ سکے۔

فوٹو: جیو نیوز

کوارٹر فائنل میں مراد کو تھائی لینڈ کے سیڈ نمبر چھ سامران جامسری نے 9-21 اور 15-21 سے شکست دی۔

ایک اور اپ سیٹ میں پاکستان کے اویس زاہد نے سیڈ نمبر تین جمہوریہ چیک کے ملان لودک کو 19-21 اور 19-23 سے ہراکر سیمی فائنل میں جگہ بنالی۔

امریکا کے ہاورڈ شو اور ماریشس کے جارجس جولیئن پال بھی مینز ایونٹ کے سیمی فائنل میں پہنچ گئے ہیں۔

فوٹو: جیو نیوز

خواتین ایونٹ میں پاکستان کی ٹاپ پلیئرز ماحور شہزاد اور پلوشہ بشیر نے سیمی فائنل میں جگہ بنالی۔

سیکنڈ سیڈ پاکستان کی ماحور شہزاد نے ہم وطن سہرا اکرم کو کوارٹر فائنل میں 12-21 اور 12-21 سے ہرایا جبکہ پلوشہ بشیر نے تھرڈ سیڈ مالدیپ کی امیناتھ نبیحہ عبدالرزاق کو شکست دے کر فائنل فور میں جگہ بنائی۔

فوٹو: جیو نیوز

مالدیپ کی نیلہ نجیب اور ایران کی ثریا آغا علی نے بھی پاکستان بیڈمنٹن سیریز کے ویمز ایونٹ کے سیمی فائنل میں جگہ بنالی ہے۔

خواتین ڈبلز ایونٹ میں سہرا اکرم اور ہما جاوید نے فائنل فور میں جگہ پکی کرلی۔

فوٹو: جیو نیوز


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM