24 دسمبر ، 2019 
پاکستان
سرگودھا میں ایک سال میں طلاقوں کی شرح میں خاطر خواہ اضافہ— فوٹو فائل
سرگودھا میں عدالتوں کے ذریعے طلاق اور نکاح کی شرح میں اضافہ
24 دسمبر ، 2019
رواں سال خواتین پر تشدد کے واقعات میں جہاں اضافہ ہوا وہیں پنجاب کے ضلع سرگودھا کی عدالتوں کے ذریعے نکاح کرنے کے رجحان اور طلاقوں میں بھی اضافہ دیکھا گیا ہے۔
سرگودھا کی فیملی عدالتوں میں ایک سال کے دوران طلاق سے متعلقہ 2500 سے زائد کیس دائر ہوئے جن میں سے 1300 سے زائد خواتین نے طلاقیں لی ہیں۔
ماہرین قانون کا کہنا ہے کہ عدم برداشت ازدواجی زندگی اسلامی تعلیمات کے مطابق نہ ہونے کے باعث خواتین پر تشدد غیرت کے نام پر قتل، عدالتوں کے ذریعے نکاح اور پھر طلاق کے معاملات اس کی بڑی وجہ ہیں۔
ماہرین قانون کا کہنا ہے کہ فیملی عدالتوں میں طلاق کے مقدمات کے جلد فیصلے کرنے کی بجائے فریقین کو سوچنے اور سمجھنے کا زیادہ سے زیادہ وقت دینا چاہیے۔
