30 جنوری ، 2020 
کھیل
فوٹو: فائل
لاہور کی بائیو مکینک لیب میں حفیظ کے بولنگ ایکشن کا ٹیسٹ
30 جنوری ، 2020
قومی کرکٹر محمد حفیظ کا لاہور کی بائیو مکینک لیب میں بولنگ ایکشن کا ٹیسٹ مکمل ہو گیا۔
ذرائع کے مطابق حفیظ کے بولنگ ایکشن کا ٹیسٹ لاہور یورنیورسٹی آف مینجمنٹ سائنسز (لمس) میں قائم بائیو مکینک لیب میں ہوا جس کی رپورٹ 14 روز کے اندر آئے گی۔
گزشتہ سال 30 اگست کو کاؤنٹی کرکٹ میچ کے دوران حفیظ کا بولنگ ایکشن رپورٹ ہوا تھا جس کے بعد انگلینڈ کرکٹ بورڈ نے محمد حفیظ کے بولنگ ایکشن کو غیر قانونی قرار دیا تھا۔
ای سی بی نے محمد حفیظ کی کاؤنٹی کرکٹ میں شرکت پر بھی پابندی عائد کر رکھی ہے۔
ای سی بی نے محمد حفیظ کے بولنگ ایکشن کا ٹیسٹ لمس میں قائم انڈیپینڈنٹ بائیو مکینک لیب سے کرایا جو آئی سی سی کی منظور شدہ ہے۔
