27 مارچ ، 2020 
ماہر پائلٹ کا پرواز کے ذریعے ڈاکٹرز کو انوکھا خراج تحسین
27 مارچ ، 2020
کورونا وائرس کے مریضوں کے علاج اور اس پر قابو پانے کیلئے دنیا بھر میں ڈاکٹرز اور پیرا میڈیکل اسٹاف انتہائی فرنٹ لائن پر کام کر رہا ہے اور اس مشن میں کئی ڈاکٹرز اور ورکز بھی اپنی جانوں کی قربانی دے چکے ہیں۔
ڈاکٹروں کو دنیا بھر میں خراج تحسین پیش کیا جارہا ہے ایسے میں ہنگری کے ایک پائلٹ نے طیارے کی پرواز کے ذریعے کراس اور انگوٹھے کا مخصوص نشان بنا کر دنیا بھر کے ڈاکٹروں کو انوکھا خراج تحسین پیش کیا ہے۔
ہنگری کے مقامی ائیرپورٹ سے اڑان بھرنے والے ماہر پائلٹ نے دو گھنٹے 13 منٹ کی انتہائی ماہرانہ پرواز کی اور طیارے سے انتہائی مشکل ڈیزائن بنایا۔
پائلٹ نے یہ مشن مقامی وقت کے مطابق صبح 10:53 پر شروع کیا اور لگ بھگ دو گھنٹے 13 منٹ کی پرواز کی۔ یہ انوکھا ہوائی مشن دوپہر ایک بجکر 5 منٹ پر مکمل ہوا۔ فضائی ماہرین کے مطابق چھوٹے طیارے کو انتہائی مقررہ پوائنٹ پر موڑنا خطرے سے خالی نہیں ہوتا۔
طیارہ 2850 فٹ کی بلندی پر 91 سے 112 کلومیٹر فی گھنٹہ کی رفتار سے مسلسل پرواز کرتا رہا۔ جہاں طیارے کو موڑنا ہوتا تھا وہاں پر طیارے کی رفتار 91 سے 98 کلومیٹر فی گھنٹہ کے درمیان رکھی گئی۔
فضائی ماہرین اس مشن کو پائلٹ کی انتہائی مہارت قرار دے رہے ہیں اور دنیا بھر میں پائلٹ کے اس مشن اور ڈاکٹر کو خراج تحسین دینے کے انوکھے انداز کو سراہا جارہا ہے۔
یورپ کے بعض دیگر ملکوں کی طرح ہنگری بھی کورونا وائرس کی لپیٹ میں آچکا ہے جہاں کورونا کے مریضوں کی تعداد 300 سے تجاوز کرگئی ہے جبکہ دس افراد موت کا شکار ہو چکے ہیں۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
6 گھنٹے پہلے
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
