مقبوضہ کشمیر میں پاکستان کا یوم آزادی جوش وخروش کے ساتھ منانے کا اعلان

کل جماعتی حریت کانفرنس نے مقبوضہ کشمیر میں پاکستان کے یوم آزادی کو جوش و خروش کے ساتھ منانے کا اعلان کیا ہے۔

کل جماعتی حریت کانفرنس کے ترجمان کے مطابق کشمیری عوام 14 اگست کو عالمی برادری پر واضح کریں گے کہ وہ بھارت کے غیر قانونی قبضے سے آزادی چاہتے ہیں۔

آخری فتح تک کشمیریوں کے ساتھ کھڑے رہیں گے: شاہ محمود قریشی

5 اگست کشمیریوں کی جدوجہد کا نیا موڑ ہے، اس روز پوری قوم یوم استحصال منائے گی: وزیر خارجہ

ترجمان کا کہنا ہے کہ کشمیری عوام 15 اگست کو مقبوضہ وادی میں بھارت کے یوم آزادی کو یوم سیاہ کے طور پر منائیں گے۔

کل جماعتی حریت کانفرنس کے ترجمان کے مطابق کشمیری عوام کے دل پاکستانیوں کے ساتھ دھڑکتے ہیں اس لیے وہ اس مرتبہ بھی پاکستان کا یوم آزادی مکمل جوش و خروش اور عقیدت و احترام کے ساتھ منائیں گے۔