موٹر وے ریپ کیس: شہباز شریف نے اپنے بیان پر معذرت کرلی

مسلم لیگ (ن) کے صدر و قائد حزب اختلاف شہباز شریف نے قومی اسمبلی میں اپنے بیان پر معذرت کرلی۔

اپنی ٹوئٹ میں شہباز شریف کا کہنا تھا کہ قومی اسمبلی میں اظہار خیال کے دوران مناسب الفاظ کا تعین نہیں کرسکا جس پر سب سے معذرت کرتا ہوں۔

انہوں نے کہا کہ آپ سب کی طرح میں بھی اس بدقسمت واقعے پر دل گرفتہ ہوں اور امیدہے کہ حکومت سیالکوٹ موٹروے پر شہریوں کو تحفظ فراہم کرے گی۔

زیادتی کے واقعے پر تقریر کے دوران موٹر وےکاکریڈٹ لینے پر شہباز شریف پر تنقید

اسمبلی میں خطاب کرتے ہوئے شہباز شریف کا کہنا تھا کہ جس موٹروے پر یہ واقعہ پیش آیا وہ نواز شریف کی سربراہی میں مسلم لیگ ن نے بنائی تھی

خیال رہے کہ گذشتہ روز قومی اسمبلی میں خطاب کرتے ہوئے شہباز شریف نے سانحہ موٹروے کی انکوائری کا مطالبہ کرتے ہوئے کہا تھا کہ جس سیالکوٹ موٹروے پر یہ ہولناک واقعہ پیش آیا وہ نواز شریف کی سربراہی میں مسلم لیگ ن نے بنائی تھی۔

شہباز شریف کو تقریر پر شدید تنقید کا سامنا ہے اورسوشل میڈیا پر عوام نے ان سے معافی کا مطالبہ کیا تھا۔