لاہور قلندرز کے مالک فواد رانا فائنل سے قبل کیوں آبدیدہ ہوگئے؟

پاکستان سپر لیگ (پی ایس ایل) 5 کا فائنل کراچی کنگز اور لاہور قلندرز  کے درمیان کھیلا گیا اور دونوں ہی ٹیمیں پہلی بار فائنل میں پہنچی تھیں۔

لاہور قلندرز کے مالک فواد رانا زندگی کے اس اہم لمحے پر اپنی والدہ کو یاد کرکے جذباتی ہوگئے۔

پی ایس ایل فائنل: لاہور کا کراچی کو 135 رنز کا ہدف

آج کا فاتح کوئی بھی ہو پی ایس ایل کو نیا چیمپئن ملے گا کیوں کہ دونوں ٹیمیں پہلی بار فائنل میں پہنچی ہیں

 جیو نیوز کے پروگرام "جیو پاکستان" میں گفتگو کرتے ہوئے فواد رانا کا کہنا تھاکہ  ان کی والدہ نے کہا تھا کہ تم مشہور ہوگے،ان کی دعاؤں کی وجہ سے ہی زندگی میں کامیابیاں ملی ہیں ۔

انہوں نےاپنی والدہ کی یاد میں نظم بھی سنائی اور کہاکہ وہ پی ایس ایل کا فائنل جیت کر اپنی والدہ کے نام کریں گے۔

فواد رانا کا کہنا تھاکہ انہیں پی ایس ایل میں شائقین کی بے پناہ محبتیں ملی ہیں اور  دباؤ کے باعث ان کے سر اور مونچھوں کے بال بھی کم ہوگئے ہیں۔