07 دسمبر ، 2020 
پاکستان
خیبرٹیچنگ اسپتال واقعہ، ڈاکٹر سمیت 7 ملازمین معطل
07 دسمبر ، 2020
پشاور: خیبر ٹیچنگ اسپتال میں آکسیجن کی کمی سے 7 اموات کے واقعے پر ڈاکٹر سمیت7 ملازمین کو فوری معطل کردیاگیا۔
پشاور کے خیبرٹیچنگ اسپتال میں گزشتہ روز افسوسناک واقعہ پیش آیا جہاں بروقت آکیسجن نہ ملنے پر 7 مریض انتقال کرگئے۔
وزیراعلیٰ نے واقعے پر نوٹس لیا تھا جس پر اسپتال ڈائریکٹر نے ابتدائی رپورٹ چیئرمین انکوائری کمیٹی کو بھیج دی جس کے بعد فوری طور پر ڈاکٹر سمیت 7 ملازمین کو معطل کردیا گیا ہے۔
اس حوالے سے ڈاکٹر فرحان اور ڈاکٹر سعود اسلام ملک پر مشتمل کمیٹی تحقیقات کررہی ہے جو کل اپنی رپورٹ پیش کرے گی۔
