’بین الااقوامی پاپندیاں، کبھی اثاثے منجمد، کبھی طیارہ ضبط، شرم آنی چاہیے‘

‏‎ن لیگ کی ترجمان مریم اورنگزیب نے کہا ہے کہ کبھی بین الااقوامی پاپندیاں، کبھی پاکستان ہائی کمیشن کے اثاثے منجمد اور کبھی قومی ائیرلائن کا طیارہ ضبط، شرم آنی چاہیے۔

ملائیشیا میں پی آئی اے کا طیارہ قبضے میں لے لیا گیا، عملہ بھی پھنس گیا

ملائیشیا میں عدالتی حکم پر طیارے کو قبضہ میں لیا جانا ایک ناخوشگوار صورتحال ہے: ترجمان پی آئی اے

انہوں نے کہا کہ نالائقوں اورنااہلوں کی وجہ سے آج ملک کی جگ ہنسائی ہو رہی ہے، کیا عمران خان کو غیر ملکی فنڈنگ ملک پر بین الااقوامی پاپندیاں لگوانے کے لیے کی گئی ہے؟ 

علاوہ ازیں وزیر اطلاعات سندھ ناصر حسین شاہ نے کہا ہے کہ ملائیشین حکام کا پی آئی اے طیارہ قبضے میں لینا تشویش سے کم نہیں، دو سال میں ایسا کیا ہوا کہ دوست ممالک نے پاکستان سے آنکھیں پھیر لیں، طیارے پر قبضہ جگ ہنسائی کا سبب بنے گا۔