احتساب عدالت نے وزیراعلیٰ سندھ کیخلاف ریفرنس اعتراض لگا کر واپس کردیا
20 جنوری ، 2021
راولپنڈی کی احتساب عدالت نے وزیراعلیٰ سندھ مراد علی شاہ کے خلاف دائر ریفرنس پر اعتراض لگا کر قومی احتساب بیورو (نیب) کو واپس کردیا۔
رپورٹ کے مطابق احتساب عدالت نے مرادعلی شاہ کے خلاف ریفرنس نامکمل ہونے پر نیب کو واپس کیا ہے۔
احتساب عدالت نمبر 3 نے ریفرنس میں صفحات کی ترتیب اور ریکارڈ کی بائنڈنگ پر اعتراضات عائد کرتے ہوئے دوبارہ جمع کرانے کی ہدایت کی ہے۔
خیال رہے کہ نیب نے وزیراعلیٰ سندھ کے خلاف گذشتہ روز جعلی بینک اکاؤنٹس کیس میں ریفرنس دائر کیا تھا۔
نیب کے ریفرنس میں وزیر اعلیٰ سندھ کے خلاف سندھ میں توانائی منصوبوں میں اختیارات کے غلط استعمال اور خلاف ضابطہ فنڈز جاری کرنےکا الزام ہے۔
