پالی کیلے…پاکستان نے نیوزی لینڈ کو جیت کے لئے 178رنز کاہدف دے دیا ہے۔ٹی 20ورلڈ کپ میں پاکستان نے اپنے پہلے میچ ٹاس جیت کر بیٹنگ کا فیصلہ کیا اور مقرر20اوورز میں 6وکٹوں کے نقصان پر 177رنزبنالئے جس میں جمشید ناصر کی شاندار نصف سنچر ی بھی شامل ہے، پاکستان نے اپنی بیٹنگ کا آغاز شاندار انداز میں کیا اور دونوں اوپنرکپتان محمد حفیظ اورعمران نذیر نے شروع سے ہی جارحانہ شاٹس کھیلے ،محمد حفیظ نے38گیندوں پر43رنزبناکرآوٴٹ ہوئے، عمران نذیر نے بھی اپنے کپتان کا بھرپورساتھ دیا اور16گیندوں پر25 رنز بنا کرآوٴٹ ہوئے،عمران نذیر کے آوٴٹ ہونے کے بعد ناصر جمشیدوکٹ پر آئے اوراپنے کپتان کے نقش قدم پرچلتے ہوئے رنز بنانے کی رفتار کو سست نہ ہونے دیا،وہ 35گیندوں پر56رنز بناکر آوٴٹ ہوئے جس میں چارچھکے اور دوچوکے بھی شامل ہیں۔کامران اکمل صرف تین رنز بناکر آوٴٹ ہوئے مگر ان کے بھائی کمی پوری کرتے ہوئے 15گیندوں پر23رنز بنائے، دونوں کے بعد شاہد آفریدی نے بھی6گیندوں پر12رنز بناڈالے،شعیب ملک نے 9رنز بنائے اورآوٴٹ نہیں ہوئے ،یوں پاکستان نے6وکٹوں کے نقصان پر 177رنز بناتے ہوئے نیوزی لینڈکوجیت لئے 178کا ہدف دے دیا۔