08 فروری ، 2021 
اسپیشل ویلنٹائن آفر: سابق محبوب کے نام کا کاکروچ چھپکلی کوکھلائیں
08 فروری ، 2021
ویلنٹائن ڈےکے موقع پردنیا بھر میں مختلف ادارے جوڑوں کےلیے نت نئی اسکیمیں متعارف کرواتے ہیں تاہم امریکا کا ایک چڑیا گھر ناکام عاشقوں کو ایک انوکھی پیشکش کررہا ہے۔
امریکی میڈیا کے مطابق ریاست ٹیکساس کے شہر سان انٹونیو میں چڑیاگھر انتظامیہ نے ویلنٹائن ڈےکے لیے نئی اسکیم متعارف کروائی ہے۔
اس کے تحت کوئی بھی شخص 5 امریکی ڈالر میں اپنے سابق محبوب کے نام پر ایک عدد کاکروچ خریدکر اسے اپنی آنکھوں کے سامنے کسی چھپکلی، پرندے یا جانور کو کھاتے ہوئے دیکھ سکتا ہے۔
اور اگر اس سے بھی کسی شخص کو تسکین نہیں ملتی اور اس کی سابق محبوب سے متعلق یادیں انتہائی ناخوشگوار ہیں تو وہ 20 ڈالر خرچ کرکے اس کے نام کا ایک مرا ہوا اور فریز (منجمد) کیا ہوا چوہا خرید سکتا ہے جسے کسی سانپ یا کوموڈو ڈریگن وغیرہ کو کھلایا جائےگا۔
انتظامیہ کے مطابق اس اسکیم سے ہونے والی آمدنی چڑیا گھر میں موجود جیگوار کے مسکن کو مزید وسیع کرنے کے منصوبے پر خرچ کی جائی گی۔
مزید خبریں :
ہر گاڑی میں چھپے ایسے راز جن کا علم بہت کم افراد کو ہوتا ہے
22 دسمبر ، 2024
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
