15 فروری ، 2021 
نیب سمیت دیگر اداروں نے سینیٹ امیدواروں کےکوائف کی جانچ پڑتال شروع کردی
15 فروری ، 2021
قومی احتساب بیورو(نیب) سمیت دیگر اداروں نے سینیٹ انتخابات کےلیے امیدواروں کےکوائف کی جانچ پڑتال شروع کردی۔
ذرائع کے مطابق الیکشن کمیشن نے سینیٹ الیکشن کے لیے امیدواروں کےکوائف نیب، وفاقی تحقیقاتی ایجنسی (ایف آئی اے) ،فیڈرل بورڈ آف ریونیو(ایف بی آر)، نیشنل ڈیٹا بیس اینڈ رجسٹریشن اتھارٹی (نادرا) اور اسٹیٹ بینک کو بھجوادیے ہیں۔
ذرائع کا کہنا ہے کہ الیکشن کمیشن متعلقہ اداروں سے امیدواروں کی دہری شہریت، کیسز اور بینک ڈیفالٹرکی تفصیلات لےگا، تحقیقاتی ادارے امیدواروں سے متعلق اپنی رپورٹس 17 فروری تک الیکشن کمیشن کو بھجوائیں گے اور ریٹرننگ افسران متعلقہ اداروں کی رپورٹس کے بعد اسکروٹنی شروع کریں گے۔
خیال رہےکہ سینیٹ انتخابات کے لیے پولنگ 3 مارچ کو ہوگی،کاغذات نامزدگی جمع کرانے کا آج آخری روز تھا۔
چاروں صوبوں اور اسلام آباد سے کاغذات نامزدگی ڈیجیٹل سہولت سینٹرز کو موصول ہوگئے ہیں اور الیکشن کمیشن سیکرٹریٹ اور صوبائی دفاتر میں قائم ڈیجیٹل سہولت سینٹرز نےکام شروع کردیا ہے۔
