21 فروری ، 2021 
ایونٹ کی شروعات اچھی ہو تو ٹیم کا مورال بلند ہوجاتا ہے، شاہین آفریدی
21 فروری ، 2021
لاہور قلندرز کے نائب کپتان شاہین شاہ آفریدی نے کہا ہے کہ ہم نے پاکستان سپر لیگ (پی ایس ایل) کا پہلی مرتبہ فتح سے آغاز کیا ہے۔
شاہین شاہ آفریدی نے پی ایس ایل سکس کے اپنے پہلے میچ میں پشاور زلمی کے خلاف تین قیمتی وکٹیں حاصل کیں اور لاہور قلندر کی جیت میں اہم کردار ادا کیا۔
شاہین آفریدی قلندرز کے نائب کپتان بھی ہیں۔ اس جیت پر ان کا کہنا تھاکہ پہلی بار پی ایس ایل کے اپنے پہلے میچ میں کامیابی حاصل کی جبکہ کسی ایونٹ کی شروعات اچھی ہو تو اس سے ٹیم کا مورال بلند ہوجاتا ہے۔
انہوں نے کہا کہ گزشتہ سیزن کی پرفارمنس سے بہت اعتماد ملا، نئی بال پر نیٹ میں بہت محنت کی جس کا صلہ ملا جبکہ راشد خان کے آنے سے بولنگ لائن مضبوط ہوئی ہے۔
شاہین شاہ آفریدی نے کہا کہ پی ایس ایل کے رواں سیزن کا ٹاپ بولر بننا چاہتا ہوں۔
خیال رہے کہ لاہور قلندرز نے رواں سیزن کے اپنے پہلے میچ میں پشاور زلمی کو 4 وکٹوں سے شکست دی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
