انجن کے ٹکڑے گرنے کا واقعہ: امریکی ائیرلائن نے ٹرپل 7 طیارے گراؤنڈ کردیے

گزشتہ روز امریکا میں طیارے کے انجن کے ٹکڑے گرنے کے واقعے کے بعد امریکا اور جاپان میں حکام نے ٹرپل سیون طیاروں کو چیک کرنے کی ہدایت جاری کر دی۔

غیر ملکی خبر رساں ادارے کے مطابق امریکا کی یونائیٹڈ ائیر لائنز نے تمام ٹرپل سیون طیارے عارضی طور پر گراؤنڈ کردیے۔

گزشتہ روز امریکی ائیر لائن کی پرواز میں آگ لگنے سے جہاز کے ٹکڑے ٹوٹ ٹوٹ کر ریاست کولوراڈو کی آبادی پر گرتے رہے۔

امریکا میں دوران پرواز جہاز میں آگ لگ گئی، ٹکڑے ٹوٹ ٹوٹ کر آبادی پر گرتے رہے

خوش قسمتی سےکوئی جانی نقصان نہیں ہوا، جہاز کو بھی بحفاظت لینڈ کرا لیا گیا: امریکی میڈیا

میڈیا رپورٹس کے مطابق حادثے کے وقت جہاز میں 231 مسافر اور عملے کے 10 افراد موجود تھے جب کہ اس واقعے میں خوش قسمتی سےکوئی جانی نقصان نہیں ہوااور جہاز بھی بحفاظت لینڈ کر گیا۔

امریکی حکام کا کہنا ہے کہ حادثے کی وجوہات کا پتا لگانے کے لیے تحقیقات کا آغاز کر دیا گیا ہے۔