07 اپریل ، 2021
کراچی کے تین بڑے اسپتالوں کی وفاق کو منتقلی کا معاملے پر وزیراعظم عمران خان کے معاون خصوصی برائے صحت ڈاکٹر فیصل سلطان نے سندھ کی وزیر صحت کی طرف سے لکھےگئے خط کا جواب دے دیا۔
وزرات صحت کی پارلیمارنی سیکرٹری نوشین حامد کا کہنا ہےکہ خط میں اسپتالوں کے معاملےکو مل بیٹھ کر حل کرنےکا کہا گیا ہے ۔
ڈاکٹر نوشین حامد نے جیو نیوز سے بات کرتے ہوئے اس بات کی تصدیق کی کہ معاون خصوصی برائے صحت نے ڈاکٹر فیصل سلطان نے سندھ کی وزیر صحت ڈاکٹرعذرا پیچوہو کی طرف سے کراچی کے ہسپتالوں کے حوالے سے لکھے گئے خط کا 5 اپریل کو جواب دے دیا ہے ۔
نوشین حامد کے مطابق جوابی خط میں کہا گیا ہےکہ عدالتی فیصلے کے مطابق اسپتالوں کا معاملہ دیکھیں، خط میں اسپتالوں اور سندھ کی طرف سے تین اسپتالوں پر خرچ کیےگئے100ارب روپے واپسی کے مطالبےکو مل کر حل کرنےکا کہا گیا ہے۔