وزیراعظم نے پی ٹی آئی بلوچستان کے تحفظات کا نوٹس لے لیا

وزیر اعظم عمران خان نے وزیر اعلیٰ بلوچستان سے متعلق پی ٹی آئی بلوچستان کے تحفظات کا نوٹس لے لیا۔

پی ٹی آئی بلوچستان کے ذرائع کے مطابق وزیر اعظم عمران خان کے کوئٹہ پہنچنے پرکوئٹہ ائیر پورٹ پر پی ٹی آئی کے پارلیمانی لیڈر سردار یار محمد رند کی قیادت میں اراکین صوبائی اسمبلی نے ان سے تفصیلی ملاقات کی اور اپنے تحفظات سے آگاہ کیا۔

بی اے پی اور پی ٹی آئی بلوچستان میں دوریاں بڑھنے لگیں

پی ٹی آئی بلوچستان نے آج وزیر اعلیٰ سیکرٹریٹ میں ہونے والی تقریب میں شرکت سے انکار کردیا

ذرائع کا کہنا ہےکہ اس موقع پر وزیر اعظم عمران خان نے پی ٹی آئی بلوچستان کے پارلیمانی اراکین کو تمام تحفظات دور کرنے کی یقین دہانی کراتے ہوئے صورتحال کا مستقل جائزہ لینے کے لیے وفاقی وزیر پلاننگ اسد عمر خان کو پارٹی کی جانب سے رابطہ کار مقرر کیا۔

ذرائع کے مطابق اجلاس کے بعد وزیر اعظم کی جانب سے ذاتی طور پر کوئٹہ کے شیڈول پروگرامز میں شرکت کی دعوت پر پی ٹی آئی بلوچستان کے اراکین نے محکمہ مواصلات کے پروگرامز میں شرکت کی۔