30 اپریل ، 2021 
پاکستان
فوٹو: فائل
حکومت پنجاب نے بلوچستان سے ادھار لی گئی 20 ہزار کورونا ویکسینز واپس کر دیں
30 اپریل ، 2021
کوئٹہ: بلوچستان حکومت کی جانب سے 10 روز قبل پنجاب کو ادھار دی گئی کورونا ویکسین میں سے 20 ہزار ڈوزز پنجاب حکومت نے واپس کر دیں جبکہ باقی رہ جانے والی 5 ہزار ویکسینز بھی چند روز میں واپس کر دی جائیں گی۔
سربراہ ای پی آئی بلوچستان ڈاکٹر اسحاق پانیزئی نے جیو نیوز کو بتایا کہ بلوچستان حکومت کی جانب سے پنجاب کو ادھار دی گئی کورونا ویکسین میں سے 20 ہزار ڈوزز گزشتہ روز کوئٹہ پہنچ گئیں جبکہ باقی رہ جانے والی 5 ہزار ویکسینز بھی چند روز میں واپس مل جائیں گی۔
خیال رہے کہ بلوچستان حکومت نے 10 روز قبل انسداد کورونا کی 25 ہزار ویکسین پنجاب کو ادھار دے دی تھی۔
