بھارت میں بھاری مقدار میں یورینیم برآمدگی کا کیس نیشنل انویسٹی گیشن ایجنسی کے سپرد

بھارت میں 7 کلوگرام یورینیم برآمدگی کا کیس انڈین نیشنل انویسٹی گیشن ایجنسی (این آئی اے) کے سپرد کر دیا گیا۔

اس سے قبل یورینیم برآمدگی کی تفتیش ممبئی پولیس کا خصوصی یونٹ اے ٹی ایس کر رہا تھا لیکن اب انڈین نیشنل انویسٹی گیشن ایجنسی نے ایف آئی آر دوبارہ درج کر کے تفتیش اپنے ہاتھ میں لے لی ہے۔

ممبئی: ایٹم بم کی تیاری میں استعمال ہونے والے یورینیم کی بھاری مقدار پکڑی گئی

یورینیم کی 7 کلو گرام مقدار قبضے میں لی گئی ہے جس میں مالیت تقریباً 21 کروڑ بھارتی روپے بتائی جارہی ہے

خیال رہے کہ بھارتی ریاست  مہاراشٹرا  کیپولیس نےگذشتہ ہفتے ممبئی کے نواح سے دو افراد کو گرفتار کر کے ان کے قبضے سے 7 کلو گرام کی قدرتی یورینیم بر آمد کی تھی جس کی قیمت مارکیٹ میں 21 کروڑ بھارتی روپے بتائی گئی ہے۔

2 ملزمان یہ یورینیم فرروخت کرنے کی کوشش کر رہے تھے کہ انہیں گرفتار کرلیا گیا۔

غیر مجاز افراد سے یورینیم برآمد ہونے پر پاکستان کی جانب سے تشویش کا اظہار کرتے ہوئے تحقیقات کا مطالبہ کیا گیا ہے۔