14 نومبر ، 2021 
ورلڈ ٹی ٹوئنٹی کا فائنل ، دبئی اسٹیڈیم میں شائقین کم تعداد میں موجود
14 نومبر ، 2021
آئی سی سی ورلڈ ٹی ٹوئنٹی کا فائنل دبئی اسٹیڈیم میں نیوزی لنڈ اور آسٹریلیا کے درمیان کھیلا جارہا ہے لیکن کسی نے سوچا نہیں تھا کہ فائنل کے روز دبئی اسٹیڈیم میں اتنی خاموشی اور ویرانی ہوگی ۔
پاکستان اور بھارت کی ٹیمیں باہر ہونے کے بعد ایونٹ کے سب سے بڑے معرکے کا رنگ پھیکا پڑ گیا ،اسٹیڈیم کے باہر سکیورٹی اہلکاروں کے سوا کوئی دکھائی نہیں دے رہا ، البتہ جو تھوڑے بہت شائیقن اسٹیڈیم آئے وہ پاکستان اور بھارت کے ہی دیوانے تھے جو اپنے اپنے ملکوں کے جھنڈوں کے رنگ میں رنگے ہوئے تھے ۔
پاکستانی شائقین کا کہنا تھا کہ پاکستان کی شاندار کارکردگی کو دیکھ کر فائنل کا ٹکٹ پہلے ہی خرید لیا تھا تاکہ آگے کسی دشواری کا سامنا نہ کرنا پڑے لیکن پاکستان فائنل سے باہر ہوگیا ، اب ٹکٹ کو خرید رکھا تھا اس وجہ سے فائنل دیکھنے آئے ہیں اور نیوزی لینڈ ٹیم کو سپورٹ کررہے ہیں ۔
انہوں نے کہا کہ نیوزی لینڈ کو سپورٹ کرنے کی وجہ یہ ہے انہیں پاکستان ٹیم ہرا چکی ہے اگر وہ جیت گئی تو ہم کہہ سکتے ہیں کہ وہ ٹیم چیمپئن بنی جس کو پاکستان ٹیم نے شکست دی تھی۔
بھارتی شائقین بھی اپنی ٹیم کی جرسی پہنے نظر آئے انہوں نے بھی نیوزی لینڈ کی کامیابی کی امید لگائی ہوئی تھی ۔
بھارتی شائقین کا کہنا تھا کہ وہ کرکٹ کے دیوانے ہیں فائنل کسی بھی ٹیم کا ہو وہ بھرپور انجوائے کریں گے ان کی ٹیم فائنل میں ہوتی تو زیادہ مزہ آتا لیکن وہ فائنل میں خوب انجوائے کریں گے۔
دبئی اسٹیڈیم میں شائقین کی شور بھلے ہی کم ہو لیکن میدان میں کھلاڑیوں کا زور و شور اپنے عروج پر ہے۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
