26 نومبر ، 2021 
بیٹیوں کے نام جائيداد کیوں کی؟ بھتیجے چچاکیخلاف عدالت پہنچ گئے
26 نومبر ، 2021
لاہور ہائیکورٹ نے قرار دیا ہے کہ اولاد نرینہ نہ ہو تو باپ کا بیٹیوں کو جائیداد گفٹ کرنا انوکھی بات نہیں۔
لاہور ہائی کورٹ کے جسٹس شان گل نے قاسم علی اور اس کے بھائیوں کی درخواست خارج کرنے کا فیصلہ جاری کر دیا۔
درخواست گزاروں نے چچا کی جانب سے چار بیٹیوں کو جائیداد گفٹ کرنے کا اقدام چیلنج کیا تھا اور ان کا مؤقف تھا کہ چچا بیٹیوں کو اراضی گفٹ کرنے کی اہلیت نہیں رکھتے تھے۔
عدالت نے قرار دیا کہ اولاد نرینہ نہ ہونے کی صورت میں بھائیوں اور بھتیجوں کو جائیداد کی منتقلی روکنے کیلئے بیٹیوں کو گفٹ کر دینا انوکھی بات نہیں، جس معاشرے میں خواتین کو اپنا تحفظ خود کرنا ہو وہاں والد بہت کچھ کرتا ہے۔
عدالت کا کہنا تھاکہ والد کا ایسا کرنا اختیاری نہیں بلکہ ضرورت ہے، والد کو موت کے بعد بیٹیوں کی بے دخلی کا ڈر رہتا ہے، خواتین کو وقار نہ ملے تو وہ مرد رشتے داروں کے رحم و کرم پر ہوتی ہیں۔
