09 جنوری ، 2022 
دادو میں میڈیکل کالج کی طالبہ کی پراسرار موت
09 جنوری ، 2022
دادو میں میڈیکل کالج کی طالبہ کی پراسرار موت کا واقعہ سامنے آیا ہے۔
خیال رہےکہ دادو میں میڈیکل کالج کی طالبہ عصمت نے مبینہ طور پر خود کو گولی مار کر خودکشی کرلی تھی۔ پیپلز میڈیکل کالج نواب شاہ میں چوتھے سال کی طالبہ عصمت کی لاش سیتا روڈ پر اس کے گھر سے ملی تھی۔
عصمت کے والدین کا دعویٰ ہےکہ بیٹی نےخودکشی کی ہے، سینےپرگولی کانشان ہے۔
عصمت کی موت خود کشی تھی یا قتل ؟ معمہ بن گیا ہے۔ تین روز قبل والد کی مدعیت میں 5 ملزمان پر لڑکی کو ہراساں کرنے کا مقدمہ بھی درج کیا گیا تھا، ایف آئی آر میں والدین نے کہا تھا کہ ثمن سولنگی نامی شخص نے جعلی نکاح نامہ بناکر لڑکی کو بلیک میل کیا ، 90 ہزار روپے ہتھیالیے۔
ایف آئی آر کے مطابق ذہنی دباؤ کا شکار لڑکی رقم ملزم کے اکاؤنٹ میں منتقل کرتی رہی ، لاش کا پوسٹ مارٹم مکمل کرلیا گیا ہے، ایف آئی آر میں نامزد ایک ملزم گرفتار ہے۔
دوسری جانب والدین کے نام لڑکی کا خط بھی سامنے آگیا ہے، خط میں عصمت نے والدین سے معذرت کی ہے۔
ادھر ویمن پروٹیکشن سیل کی انچارج نےعصمت کےکمرے کا معائنہ کیا اور اس کے زیرِ استعمال اشیا تحویل میں لے لیں ۔
