13 جنوری ، 2022 
پاکستان
ناظم جوکھیو قتل کیس، 5 ملزمان ضمانت منسوخ ہونے پر عدالت سے فرار
13 جنوری ، 2022
ناظم جوکھیو قتل کیس میں نامزد 5 ملزمان عبوری ضمانت منسوخ ہونے پر عدالت سے فرار ہو گئے۔
ناظم جوکھیو قتل کیس میں نامزد 5 ملزمان کی عبوری درخواست ضمانت پر سماعت ایڈیشنل ڈسٹرکٹ اینڈ سیشن جج ملیر نے کی۔
جج نے دوران سماعت ریمارکس دیے کہ مقدمہ دہشت گردی کے زمرے میں آتا ہے، اور دہشت گردی کا کیس سننےکا اختیار ماڈل کورٹ کو نہیں ہے۔
ملزمان کے وکیل کا کہنا تھا کہ پولیس نے مقدمے میں دہشت گردی کی دفعات کا اندراج نہیں کیا۔
عدالت نے ملزمان کی عبوری ضمانت منسوخ کر دی جس کے بعد ملزمان احاطہ عدالت سے فرار ہو گئے جبکہ پولیس ملزمان کو گرفتار کرنے میں ناکام رہی۔
عدالت سے فرار ہونے والے ملزمان میں سلیم سالار، محمد سومار، محمد اسحاق، دودو خان اور محمد خان جوکھیو شامل ہیں۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
4 گھنٹے پہلے
