خیبر پختونخوا میں بلدیاتی انتخابات کے دوسرے مرحلےکا شیڈول جاری

الیکشن کمیشن نےخیبر پختونخوا میں بلدیاتی انتخابات  کے دوسرے مرحلےکا شیڈول جاری کردیا ہے۔

الیکشن کمیشن کے مطابق خیبرپختونخوا میں  بلدیاتی انتخابات کے دوسرے مرحلےکی پولنگ 27مارچ کو ہوگی۔

الیکشن کمیشن کی جانب سے جاری اعلامیےکے مطابق کاغذات نامزدگی7 سے 11فروری تک جمع ہوسکیں گے، نامزد امیدواروں کی فہرست 12فروری کو جاری ہوگی اور 14 سے 16 فروری تک کاغذات نامزدگی کی جانچ پڑتال ہوگی۔

اعلامیے کے مطابق کاغذات نامزدگی مسترد یا منظوری کےخلاف اپیلیں 17 سے 19فروری تک دائرہوں گی، اپیلوں پر فیصلہ 22 فروری تک کیا جائےگا،کاغذات نامزدگی واپس لینے کی آخری تاریخ 25 فروری ہوگی اور  نامزد امیدواروں کی حتمی فہرست 25 فروری کو ہی لگائی جائےگی۔

الیکشن کمیشن کے مطابق نامزد امیدواروں کو انتخابی نشانات 28 فروری کو الاٹ ہوں گے، کامیاب امیدواروں کا حتمی اعلان یکم اپریل کو کیا جائےگا۔

خیال رہےکہ 19 دسمبرکو خیبر پختونخوا کے17 اضلاع میں بلدیاتی انتخابات کے پہلے مرحلے کی پولنگ ہوئی تھی۔

خیبر پختونخوا بلدیاتی انتخابات: میئر پشاور کی نشست پر جے یو آئی کو برتری حاصل

پی ٹی آئی کے رضوان بنگش میئر کی نشست پردوسرے نمبرپر ہیں، ووٹوں کی گنتی کے بعد مختلف پولنگ اسٹینشز کے نتائج آنے کا سلسلہ جاری ہے

خیبرپختونخوا بلدیاتی انتخابات: خودکش دھماکے اور فائرنگ کے مختلف واقعات میں 5 افراد جاں بحق، متعدد زخمی

کے پی کے 17 اضلاع میں بلدیاتی انتخابات کیلئے پولنگ صبح 8 بجے شروع ہوئی جو شام 5 بجے تک بغیر کسی وقفے کے جاری رہی