چرنا جزیرے کے قریب سمندر میں مردہ وہیل پائی گئی

کراچی کے قریب چرنا جزیرے کے قریب سمندر میں مردہ وہیل پائی گئی ہے، ماہی گیروں نے مردہ وہیل کی ویڈیو بنالی۔

ورلڈ وائلڈ لائف (ڈبلیو ڈبلیو ایف)پاکستان کے تکنیکی مشیر معظم خان کے مطابق چرنا جزیرے کے قریب مردہ بروڈس وہیل پائی گئی ہے، مردہ  وہیل شوقیہ ماہی گیری کے لیے جانے والے افراد کو تیرتی نظر آئی،جنھوں نے اس کی ویڈیو بنالی ۔

چرنا جزیرے پر سیاحتی سرگرمیوں کو معطل کرنے کی سفارش

انوائرمنٹ پروٹیکشن ایجنسی بلوچستان نے مونگھے کی چٹانوں کے سفید ہونے سے متعلق حتمی رپورٹ جاری کردی

 معظم خان کا کہنا ہےکہ ہوسکتا ہےکہ  وہیل گزشتہ روز  تیز ہواؤں کے باعث سمندر  میں طغیانی یا کسی جہاز سے ٹکرانے یا جال میں پھنس کر مری ہو۔

ویڈیو میں نظر آنے والی وہیل کے سمندر میں سڑنےکا عمل شروع ہوچکا ہے،وہیل کے جسم میں پھولا ہوا حصہ دراصل اس کی زبان ہے، رواں سال ملنے والی یہ پہلی مردہ وہیل ہے۔

تین ماہ قبل اورماڑہ میں اسی نسل کی وہیل زندہ نظر آئی تھی جو کہ پاکستان میں پائی جانے والی تین بڑی نسلوں میں سے ایک ہے ۔

معظم خان کا کہنا ہےکہ مقامی افراد کو الرٹ کردیا ہےکہ مردہ  وہیل کے ساحل کی جانب آنے کی صورت میں ڈبلیو ڈبلیو ایف کو آگاہ کیا جائے۔