29 جنوری ، 2022 
پاکستان
لاہور: سیشن کورٹ میں جھگڑا، فریقین اور وکلا کا ایک دوسرے پر تشدد
29 جنوری ، 2022
لاہور: سیشن کورٹ میں مقتول اور مدعی پارٹی آپس میں جھگڑ پڑے اور ایک دوسرے پر لاتوں اور مکوں کی بارش کر دی۔
سیشن کورٹ میں جھگڑا تھانہ ٹبی میں درج ثنااللہ کے قتل کے مقدمے پر ہوا، عدالت پیشی کے موقع پر مقتول اور مدعی کے افراد آپس میں گتھم گتھا ہو گئے۔
فریقین کے ساتھ ساتھ وکلا نے بھی ایک دوسرے پر تشدد کیا، لڑائی میں لاتوں، مکوں اور گھونسوں کا آزادانہ استعمال کیا گیا۔
پولیس کا کہنا ہے کہ سیشن کورٹ میں جھگڑا کرنے والے 19 افراد کو حراست میں لے لیا گیا ہے۔
